早前被傳有意再戰特首選舉、後來已澄清無意參選既全國政協常委唐英年，佢太太郭妤淺嘅侄女郭佳怡（Stefani Kuo）近日「爆紅」，話說喺美國發展既Stefani係舞台劇作家同演員，近日發表短片講香港反修例運動，佢批評美國為咗經濟發展及NBA等不斷討好中國，呼籲美國人民一起支持同保護佢出生同成長嘅香港。

唐英年今日（13日）透過發言人回覆：「她是唐英年的外甥女（實為內侄女），言論屬其個人意見。」

Stefani喺短片話，睇過無數抗爭港人受傷嘅片段，話香港人承受近萬枚催淚彈及海綿彈甚至實彈威脅，又批評防暴警員開香檳慶祝科大生周梓樂離世。佢仲話：「放馬過來吧中國……令我消失吧，只因我用了醜陋但準確的字眼！」（Go ahead China…make me disappeared, arrest me for the ugly, accurate words！）佢又用廣東話講：「我唔怕死㗎。」

Stefani又話，爸爸將香港街頭暴力文章同影片傳畀佢睇，又話雖然爸爸好期待佢寒假回港，但同時提醒佢唔好出門「找死」。

郭佳怡1995年喺香港出生，出身紡織大王世家，爺爺係「香港一代線王」郭正達，後來由爸爸郭大熾繼承生意。媽媽林夏如係台灣人，亦係「猛料之人」，林夏如在16歲時跳級申請入哈佛大學，32歲時成為高盛集團（Goldman Sachs）亞洲最年輕合伙人。郭佳怡有兩個妹妹，么妹郭佳瑋2010年在日本因車禍死亡，終年8歲，她另一妹妹係郭佳欣。