據說內地最憎嘅美國官員就係肥仔蓬佩奧。唔好睇少內地五毛在社交媒體嘅評論，一般來講，大圍社交媒體評論嘅方向都係shaped and formed by阿爺。五毛唔鍾意肥仔奧，即係阿爺都係好唔老黎佢。不過，唔老黎還唔老黎，sorry阿爺，因為肥仔奧is VERY likely here to stay much longer than you think。點解？咁要睇吓肥仔奧嘅背景。
佢嘅CV在現今嘅年代已經係少之有少，因為佢嘅背景就係美國人叫做嘅golden boy。美國人好得意，你淨係識得讀書冇用，淨係文係唔得嘅。除咗有台型識講，最難得又最受人尊重嘅係落場打過仗，有「實戰」經驗嗰種。其實，美資大行，早在廿幾年前的領導，雖然好多表面係長春藤畢業，斯斯文文，其實大部份都當過兵，有啲仲上過戰場、打過仗、指揮殺過人。二戰過後，世界比較太平，要有新一輩文又得武又得嘅後生啲嘅領導已經買少見少。肥仔奧可算係一個例外。呢個人你唔好睇佢肥頭耷耳，鬧人都係好斯文，情緒管理好好，其實佢係近年集「文武商」於一身、美國人眼中嘅golden boy。
肥仔奧讀中學時係籃球最佳前鋒，之後「考第一」畢業於西點軍校（人哋係真正嘅考第一呀），唸半工半商的一科Engineering Management。畢業後直接去當兵，一入就係Armor Branch即係要combat要打嗰隻，據說肥仔奧最叻係帶領坦克步隊，用了5年時間升到上膊頭有兩條銀bar嘅Captain，ranking 係Lieutenant之上Major之下，可以指揮戰役。
服兵役後就去咗哈佛法律學院進修，畢業後做了幾年砌刁嘅律師，然後同幾個West Point同學從商，setup咗間private equity專攻收購和管理飛機零件業務生意，一做就做咗8年，之後賣盤收水。佢最後一站從商嘅就係從飛機零件轉到去成為Sentry International 一間油田設備商做總裁，一做就做咗10年。與此同時，肥仔奧一路在其州分參政，沒有停過，在眾議院服務了7年，從政經驗豐富。所以當侵侵於2017年搵咗肥仔奥做中央情報局局長時，當時有好多人唔知仲質疑點會搵個從商嘅肥佬去管中央情報。Then the rest is history, 一年之後，當侵侵一腳踢走那個本來在Exxon做CEO做到好地地嘅國務卿可憐豬Rex Tillerson，肥仔奧就正式登上國務卿之位。
蓬佩奧做親每樣嘢都係5至10年左右，而且有始有終，能文能武又能商，你睇佢嘅人生軌迹，就應該察覺到此人已經被選中了，佢自己亦唔會止於Secretary of State個位。所以，無論下屆係共和或民主黨贏，4年之後就應該有呢隻肥仔奧好似寃鬼纏身咁再嚟過，而且將會咬得更加實啲，你話阿爺有乜辦法唔憎佢？
