/cloudfront-ap-northeast-1.images.arcpublishing.com/appledaily/GKPPHWSPGNEZJADVXCANJQ2SSY.jpg)
■支联会将于4月4日举行「六四」悼念活动，阿人表示有乜事希望由渠去顶。
港版国安法实行后，针对民间团体打压越嚟越大，有传除了民阵外，支联会都系政府取缔目标，不过支联会明显冇谂过缩，如常举行「六四」事件32周年悼念活动，定出「为自由。共命运。同抗争」做纪念主题，嚟紧星期日（4月4日）举办「六四32周年」清明节献花活动，不过今年唔似往年咁，可以喺尖沙嘴文化中心外面广场搞，要搬过去金钟政府总部，但以往献花一定有慨小型人民英雄纪念碑，就冇得出现。
支联会主席李卓人同八方讲，其实一早预咗政府唔会批渠哋喺尖沙嘴文化中心外面搞六四献花活动，所以早已有Plan B去金钟政府总部，但就唔可以放个小型人民英雄纪念碑畀市民献花，所以会改用一张大横额等市民献花，到时亦会叫相关市民守限聚令，唔好俾人有位入到渠哋违法。
/cloudfront-ap-northeast-1.images.arcpublishing.com/appledaily/XOYLUAZG3BHZ5JVDXMJ2CHMSEM.jpg)
李卓人
/cloudfront-ap-northeast-1.images.arcpublishing.com/appledaily/TVIE4SW7MBC3JNZ5KLNF6JCJ7A.jpg)
李卓人：有乜事我哋老慨去顶
由于阿人同支联会秘书何俊仁都涉及8.18反修例「流水式集会」未经批准集结案，有关案件4月1日开庭，阿人话渠同何俊仁有心理准备会被判监，万一清明节献花活动之前渠哋已经被还柙，活动会由支联会副主席邹幸彤，仲有其他常委负责，不过阿人就话希望自己可以主持，唔使搵邹幸彤顶上，始终今时今日局势，有乜嘢等渠哋班老慨去顶同埋受，好过要班后后生慨企出去。
